Rosetta: Balan el gavéa el caval prima di comprarsi la Giardinetta.
Valentina: Anche la levatrice, la siora Emma, la gavéa el caval col birocin e quando i buteleti i nasséa de note te sentivi el campanelin de la comare … din din din.
Dopo i sa comprà la machina, ma dopo però. Mi ricordo bene.
I miei fratelli i g'avéa la bicicleta, prima i ghe ‘ndava a piè a Verona. Appena nata non c'erano le biciclette, dopo le à scominsià.
La strada era bianca, i ghe metéa el giarin.
Rosetta: Mi a diciassette anni 'ndava a comprar le verdure col musso de Biciclin. Me fradel dopo la guera no i g'à dato el lavoro e alora l’à verto na botegheta andò gh'è la banca e ‘ndavimo in piassa a tor la verdura col musso de Biciclin. Mi me metéa el fular in testa e me scondéa … così non mi vedevano in faccia!
raccontato da Valentina Bellamoli nata a Marzana nel 1923 e Rosetta (Rosalia) Milli nata a Marzana 1928
Nessun commento:
Posta un commento