A CIAPÁR EL TRAM:

MARIO:
Vinti minuti a piè, col giasso, co la neve, con l’acqua ... no se vardaa mia ste robe.

GIANNINA:
E gnanca tanto ben vestii, vera Mario?

MARIO:
Dopo la guera mi ‘ndasea coi soccoli de legno, ghe metea do, tre strissie de corda, che se fasea fadiga a trovar anca la corda, e ‘ndasea a piè a ciapar el tram.

DINA:
Mi vegnea a piè … dopo la quinta vegnea da la Celestina lì sull’angolo, che l’è morta a sent’ani, vegnea a imparar da sarta. Da Vendri in 20-25 minuti se ‘ndava a la fermata del tram e anca da la Celestina.

DINA:
Mi son de Quinto. Dopo Porta Vescovo el tram el passaa a drio a le mura ‘ndo gh'era el stabilimento de Stopa. A Quinto el me passava a un metro e mezo dalla porta de casa. Che Zopi l’è resta fulminà co le verghe de fero ...

MARIO:
A la sera quan che vegnea a casa, mi alora fasea el manoval, gh’era el locomotore e gh’era tanta gente e i se tacaa anca lì fora. L’era proprio pien.

DINA:
Erimo tanti, no gh’era mia tanto posto da sentarse facilmente.

MARIO:
El bandito el disea (Ndr:parlano di uno di Stelle chiamato el Bandito).

- “Vuto che nemo fin là insima!?” (alla fermata al bar centrale) e sul tram gh’era 'na maniglia che el tirava. El tram el se fermava e tuti quei che i era da le Stele i smontava. I tramvieri i se rabiava. E vegnù anca i carabinieri!

DINA:
Gh’era tre, quatro corse, la matina. Ale siè ale sete e ale oto. Ogni mezz'ora circa la mattina. E tre quatro a la sera.

La sera l’ultima l’era ale oto. Gh’era anca la corsa noturna, quan gh’era l’Arena.
Gh’era la Maria Zoppi, la andava zo in tram… . Tute la le vedea le opere, no la ghe ne perdea una! I Zanella, che i sonava tuti tri ne la banda, i ghe dava i biglietti; mi l’aspetava quan che vegnea fora da laorar, e ‘ndavimo a veder le opere in Rena (Arena).

 

Raccontato da:

Dina Macchiella nata a Quinto nel 1930 e residente a Vendri da 52 anni

Mario Zamboni nato a Vendri nel 1930

Giannina Corsi nata a Stelle nel 1938