 |
| Poiano di Valpantena Immagine di Archivio CiViVi L'annullo sul francobollo scrive Pojano (Verona) 03 Essendo il francobollo una emissione del 1901 (Regno d'Italia, Aquila sabauda, Serie Floreale) presumo che la cartolina Onestinghel di cui abbiamo l'immagine, sia dell'inizio del XX secolo.. |
Me mama l’è morta zoina, a 31 ani, e me papà l’è restà co ste dò butine …
‘Ndava sempre nei campi a laorar ... nei campi de la marchesa Da Lisca. ‘Ndava fora co’ le pegore a 8-10 ani. Ghe tendeva che no le scapasse. Eh, le va, lore se no te ghe tendi!
Ghe dava da magnar a le galine la semola co’ l’acqua ... un pastòn cussì.La Da Lisca la volea i caponi. A quei ghe pensava me nona.
L’acqua la ciapaimo a la fontana de la cesa.
No gh’era lavatrici, se fasea la lissia con la sendre e se resentava a la fontana de la cesa.
Su da noantri no ghera né acqua né luce. Se iluminaa co’ le lampade a petrolio e i lumini a oio.
I materassi i era de grena ma i nostri i era de pena de galina. Ne parea de essar fortunade!
A zugar saltavimo la soga. Gavea anca na bamboleta de pessa, fata in casa.
A casa nostra se magnava polenta o se fasea ‘na fritaia bela granda.
Anca la verdura de l’orto: brocoli, verze, capussi, fighi, ua, sirese, marasche.
Per far el fogo se netava le sese. I era sempre nete cossì!
Gaveimo na vaca ma late ghe n’era poco.‘La dominica ‘ndavimo a messa prima co’ la veleta in testa.
"Omini davanti e done dedrio". El prete l’era el Ciresola.
La mia nonna era 'del diese' come diceva lei e nata a Poiano, quando ho letto questo post mi e' sembrato di sentire le stesse storie che raccontava lei.
RispondiElimina