DI FRONTE A CASA MIA

di Sante Slemer nato a Marzana 1929

Di fronte  a casa mia

'Na matina camion e ruspe

le se mete a laorar

Parché il paese i vol svilupar

Andòve  prima gh’era un bel vigneto

Adesso gh'è matoni e cemento

Prima vedéa ben Sezan e anca el monte

Adesso vedo i storlini su la casa che g'ò difronte

A la matina sentia i merli cantar

Adesso sento i cani baiar

G'ò finestre a  tuto torno

ma el sol el vedo solo a mezzogiorno

A Marzana semo sempre quei

da tanti generassioni

Conossevimo butei, genitori

e anca noni

Adesso l'è fenìa,

tanta gente la vien da via

No se sente più quel bel CIAO

dito tra paesani

Bisogna dir BUONGIORNO

senò se par vilani

No l’è più quel paese picolo Marsana,

El sà unito a Quinto e a Gressana.