MARIO: Gh’era el problema de la quinta elementare che questi i vegnea tuti a Quinto a le scole comunali (dove ora c'è la sede della Circoscrizione Ottava Ndr); anca quei de Sezan e de Nesente. I vegnea a piè.
A le Stele mancava la quinta. Le scole le era ‘ndò gh’è el centro anziani.
DINA: Gh’era na maestra sola, un po’ s-ciorbola e anca claudicante, erimo in sessantadù ma gh’era quei che g’avea anca tri anni de più. Gh’era quei de i orfani de guerra.
MARIO: I orfani i gavea na mantelina dei militari.
DINA: Ai paletò dei militari i ghe dava la tinta e se faseva el paletò.
MARIO: Finìa la quinta qualchedun l’andava a scola de disegno.
GIANNINA: I ghe fasea far disegno anca par farghe passar qualche ano in più, giusto che i fusse pronti da andar a laorar.
MARIO: Mi ò comincià a tredese ani.
DINA:Mi la maestra la g’avéa dito che dovéa andar avanti ma l’era tempo de guera, gh'era i bombardamenti e me papà l’ha dito: “Ghe n’ò una sola, volio che i me la copa!”
MARIO: I ne insegnava, qua a scola a le Stele, a portar la divisa, a portar el s-ciopeto de legno, a scapar zo in cantina quando gh’era el bombardamento
Raccontato da:
Dina Macchiella nata a Quinto nel 1930 e residente a Vendri da 52 anni
Mario Zamboni nato a Vendri nel 1930
Giannina Corsi nata a Stelle nel 1938
 |
| Scolaresca di Santa Maria in Stelle anno ? Foto Archivio Lino Merci |
Nessun commento:
Posta un commento