I CASOTINI NEL PROGNO

Alfiero: L’era anca belo quan te lo vedei rivar, el g'avea le tirache  SCIACC, le fasea sui fili!
Quando passava el tram tuti zo nel campo. “Vardè che ve ciapo” el disea Gino Macela (il guidatore)

La busta (la cartella) dei libri de scola la me s'à schissà soto el tram.

Metteimo anca i sassi sulle rotaie par farli schissar. E stigaimo i matonsini. Gh'era el nio ne le sesa, vissin a le rotaie. Macela el ne ciapava a spassaorade. Eh, ghe n'ò ciapà tante parchè el g'avea na bona mira!

Paolo: Questa corte qua, de le case Agec, l’era el nostro campo.

Alfiero e Paolo condividono il ricordo: Zugavimo a scianco, a balon, a ciupasconderse e qualche olta col balon te spacai el vero e alora i se tegnea el balon e ti te scapai ….

Ghe nemo combinà nel Progno …

Paolo: Te ricordito quela olta che a la Beccaria è vegnù zo co l'acqua el pan nel progno e i à dito “Osti s'à ribaltà Renato a Misturin”. Renato del pan.

Alfiero: E quando quel dei pandorini el sigaa, "pandorini pandorini", el s'à ribaltà nel campo; emo maià tanti de quei pandorini!

Paolo: E quando s'à ribaltà con la moto el Brigante, l'è cascà e là perso l’oroloio.

“Se me catè l'oroloio ve do la mancia”.

Fotografia della Famiglia Merina di Poiano 1952

Noantri erimo lì che gh'era i nostri casotini.
Gh'era i casotini adrio del progno … Se li faseimo  coi sambuchi, i saughi, par zugar e de scondon fumavimo le foie de cana roca.

Alfiero: Mi fumaa la carta da pan!