I PIGNI E LA GUERA

I pigni e la guera: A la casa del pigno, sora a Vendri gh’era un pigno grande, cavà via dai tedeschi quan che i dovea far la linea de difesa. Primo, ghe serviva el material e secondo i cavaa i punti de riferimento par i aerei.

Anche alla fontana dei sinque pigni i à taiado via tutto.

Quando gh’era la guera: ‘Ndavimo in leto vestii, par paura, parchè vegnea i ‘roplani. E 'ndavimo in cantina. Me sio, che l’era sta fassista in Africa, quando el sentia la sirena, el partia e l’andava in vaio. El g'avea na paura!

E' cascà na bomba a la Meiua, che l’è l’ultima casa in mezo ai campi da Vendri a Poian, che adesso i dise che l’è de Veronesi. Se ‘ndava su ai Begoti par vedar Verona iluminà dal fosforo e parchè brusava le case.
Sora Vendri gh’era la fossa anticaro. La partiva da sora Vendri par arivar fin a Quinto.

Quando i tedeschi si ritiravano i vegnea su da Montorio, par i Lessini. Dopo i scapava a Ala (in Valdadige), par el Brennero.

Noialtri buteleti, con la nona e la mama, semo scapadi nel rifugio nel vaio; ‘na grota che la sarà sta du par du. I mas'ci i è scapè via tuti, i sa sconto.  Noantri sentivimo i stivai  batar sora al nascondeio.

Quan dopo l’oto settembre l’Italia la girà gaveta, l'esercito italiano l'è scapà, parchè i tedeschi i  portaa in Germania i soldè come traditori. I é rivà in corte, i s'à cavà la divisa, le armi e tuto e la nona la g'à dato i vestiti civili. 
No so come l’à fato, cossa la g'à dato. No ghe n'era mia tanto, alora! 
Dopo la nonna la m' à fatto le braghette de panno, con i vestiti de l'esercito.
Le becava!

Ai primi de novembre s'à comincià a sentir i aerei dei 'mericani.

I bombardamenti - l'aereo detto Pippo:  Era un ricognitore, t'el sentei e basta; el passaa alto e l'era un trapel piccolo, e alora bisognava stupar le finestre, par la luce.
Me ricordo la canson: “Pipo ferovier, l’abandonà  el  mestier par fare l’aviator.”  L’è na canson imbastì su, cossì.

Ricordi di Rubele Damiano

detto anche El Mangi  nato il 13 febbraio 1939 loc. Pigno di Vendri