I veci i è nati alla Casetta de Cancello ma mi son nato a Tressolan. Me mama l'à sposà un vedovo co'n butin e 'na butina; vegnendo zo in bicicleta da Tressolan, el s'à copà.
Me mama la g'avù tredese figli tra el primo e 'l secondo matrimonio.
Me mama la disea che più paltan gh'era in corte più noialtri se stava fermi.
No g'aveimo mia le scarpe ….
No g'aveimo mia le scarpe ….
D’inverno meteimo qualcossa ma se no l’era necessario se ‘ndava descalsi.
Son 'ndà fameio che g'avea nove ani.
G'aveimo le pegore come i g'avea tuti e me mama la fasea la puina. Polenta e puina.
Quan me mama la fase la polenta, e l'era tuti i giorni, ghe disea:
“Parché me metito la panara sempre ne la parte de là, da le butele, che no ghe rivo” .
“Eh, te si furbo bastansa; va ben, doman te la meto de qua!”
Raccontato da Gaetano Stefanelli di anni 78 nato a Trezzolano residente a Quinto
Nessun commento:
Posta un commento