SERVISSIO DE PIASSA

Sante Slemer Meccanico di biciclette e motorini, tassista (servissio de piassa) e guidatore di scuolabus di Marzana
Foto Archivio Arturo Slemer 1952

L’auto: Prima ò tolto quela del Biff, la gh'ea la licensa insima. L’era el millesento muson a metano che alora gh'era do bombole a metano dedrio al schienal, che adesso i te metarea in galera.

Dopo ò tolto un millequatro vecio che ò tegnuo finché  alsando la machina col crico, el crico l'è finio rento in machina invesse de alsarla …

Dopo ò tolto n'antro millequatro, dopo el millecinque elle, sempre Fiat, che l’era a siè posti, regolare, tri davanti, tri dedrio. El g'avéa el cambio soto al volante. Lò tegnuo disisete ani.

De note i te ciamaa; i gavea da nar in maternità, al pronto socorso, fin in stassion.

La festa era sempre  ocupà sul lago, Madona Corona, Peschiera … i matrimoni anca du, tri in ne un sabo, emo fato!

Venessia, Padova e Sant’Antonio. Le fasea el gireto al Santo,  le partea co la sporta con l’ua rento… na olta semo ndè a Padova. Nel recinto del Santo, le sa senta là, sul mureto; i era quatro da Gressana, le  à tirà fora l’arzimo de ua …iiiih. I era tuti pastroci  schissà!

Raccontato da Sante Slemer nato a Marzana nel 1929