DALL'INTERVISTA A ATTILIO C. DI QUINTO

‘Ndasea sempre a messa. A olte me mama la ne ghe paraa a tute le messe. Alla matina no gh'era nessuno che servea messa e la me ciamava mi.
Mi savea tanto come el prete, anca in latino.

Cantaa come el prete, le lessioni, le litanie … .

“Assa star, dai, el dise (il prete), che dopo mile maledissioni le buten zo le casete (le casette delle opere parocchiali) e la strada i vol slargarla, e la cesa la femo granda fin sui porteghi …”
Adesso la cesa le anca massa granda e semo siemila invesse de mille!

Quinto Strada per la Crose
Fotografia di M.Venturi per il manifesto Architetture della Valpantena, anni Novanta
Le casette a cui allude Attilio. La sua famiglia abitava all'interno del brolo.

Quando fasea el chierichetto seto cossa che faseimo? A la sera cargavimo l’armonio e ‘ndavimo all’Enal a scola de canto.

Erimo in siè, tutti e siè ne la corale. I disea “Se i manca i Costansi …”
‘Ndaseimo a tor un furgonsin e quan l’era mesanote el prete el ne lassava le ciave e se portava l'armonio indrìo, in cesa. Pagavimo noantri el maestro. Tiravimo fora una picola quota. Maestro Verzè, l'era. Quel che ha comprà su a Basalovo.

Quinto - La Strà 1959-60 circa Il tram è sostituito con la lunga filovia gialla e rossa
Foto Archivio Arturo Slemer

Cosa si cantava? Cantavimo le cansonete, anca:  El cacciator del bosco, la bela Violeta, La cavra del Bertoncelli, ….

La bela la va in cantina

A trar el vin trar le vin trar el vin

col so bel moretin

O morettina mia morirai morirai morirai

O morettina mia morirai

Co le pene nel cuor

E adesso che sem qua tuti

La porta un litro de quel bianco

Che con na bela mora in fianco

Brava de far l’amor

Di far l’amore

La me dis che no son degno

dami a me qualcosa in pegno

che alor ti sposerò

E cosa vuto che mi te daga

E se non ti dono il cuore

Ti prometterò l’amore

E l’amor e la fedeltà.