LA PIASSA DEL MARCÀ VECIO LE SO PIERE E LE SO ROVINE

La poesia è della Gigia  (Lidia Bellenzier di Grezzana)

La poesia ci è stata regalata da Angelo Ballini, classe 1923

Angelo conserva con cura, in cornice, la poesia della Gigia insieme all'immagine della piazza di Grezzana

La piassa del marcà vecio le so piere e le so rovine

I vecioni de na olta i ghe disea “la ria del vaso”
a la strada che portaa al marca
Arente la ghea ‘n piassal grande
che de maio l’era sempre profumà.
El piassal l’era pien de robinie
Da insima a in fondo tuto circondà
da grosse piere
Ghe n’era de quadrè, de bislonghe
de quele che finia rotonde
I nostri noni i diesea che lì,
‘ndo ghè la nostra cesa
ghera dei archi con  delle colonne
tanti secoli fa
Col tempo è restà le piere,
con quele i ha fato la piassa del marcà.

Ghera bò, vedei pegore,
le fasea ‘n bordel
I sensari i fasea  ciasso,
i nasea de chi e de là
E i se tiraa par brasso.
Le bestie i le ligaa ai anei
Le done de scondon
le nasea a mondre el late
con quel che le podea
La ramina, i bandoti, i mastei
Ma quando vegnea i padroni
le nasea ridendo.

Le piante le fasea ombra
Le piere le nasea ben par sentarse
L’era tanto bela la piassa del marcà
Che par descorer e sponsar
tuti ‘ndasea là

Nela Piassa Carlo Ederle
ghera i bancheti del formaio
Capei, scarpe, calseti e  padele
Ghera tante robe da comprar
Par omini done e butei
Ghe saria sta de tuto 
ma mancaa el piassè:
i schei.

La Piazza Carlo Ederle com' era nel 1930
Foto da cartolina Propr. Ballini