IL LAVORO DI FALEGNAME AL SETTANTANOVE DEL MARIO

Ah, el mestier l'ò imparà qua, a far le gabbie dei cunei. Finia la guerra so n'à al Monte ma l’era ‘na botega che no se imparava tanto el mestier, i fasea roba anca piuttosto grossolana, scaffai...

Vuto imparar ben? E alora son n'à al Settantanove (le vecchie carceri di Verona Ndr.).

Ghe insegnava ai carcerati a laorar. G’avarò avù sedese ani … Quei paroni lì i ò persi quan che son andà in pension.

I se ciamava Pesenti  e  Togneti e se fasea mobileti par la radio che i ‘ndasea in tuta Italia. I g’avea el laboratorio dentro nel carcere.

I carcerati i vegnea pagati. Dopo (i paroni) no i g'avea più interesse  e i à molà el laoro.

Carcerati guardati a vista: La guardia l’era sempre rento. Quando i ‘ndava su a magnar gh'era sempre la guardia.

Gh’era anca quel de Legnago che à copà le do done, el vegnea a tor le segature, a volte.

Gh’era quel che à copà la Guglielmina Straparava. I à fato anca la canson de la Guglielmina.

Gh’era dei lustradori. I era bravi, proprio bravi. Dopo semo ‘nde in Borgo Milano. Ho laorà anca dai Grassioli da Quinto, ultimamente.

MARIO: D’estate ‘ndava a laorar in bicicleta e d’inverno col tram.

DINA: L’Angela Costanzi che l’ha sposà Zoppi l’ha comincià a laorar da Rossi e so mama la g’à comprà la bicicleta e  la ghe disea:

“Quan che te senti na machina tirete da na parte e fermate”!

MARIO: Da qua a Verona no trovavimo mia na machina …

BRUNO: Verdari el gh’ea na machina che la andasea a carbonela. E dopo gh'era l’Ardea de la Lancia; me ricordo la Balilla del Bianchin che el vegnea fora a dormir ...

Via Fincato alla Casa Rossa di Poiano 1958
Una delle ultime corse del tram.
Nella foto (Archivio CiViVi) sono visibili i fili aerei, pronti per il nuovo mezzo di servizio pubblico: la filovia

DINA: Me nono l’andava zo da soto el monte a piè, el nasea a far el murador, ma ai nostri tempi se ‘ndava in tram.

raccontato da Dina Macchiella, Mario Zamboni, Giannina Corsi e Bruno nati in Valpantena e residenti a Vendri